Bakıda “Gelandewagen”i bu hala saldılar – FOTO

Bakının mərkəzində daha bir bahalı avtomobil sıradan çıxarılıb. «Qafqazinfo»nun verdiyi məlumata görə, son model, ağ rəngli “Gelandewagen” markalı avtomobil bu vəziyyətə BMW markalı maşınla toqquşma nəticəsində düşüb. Hadisə paytaxtın Nərimanov rayonunun Çapayev küçəsində baş verib. Hadisədən dərhal sonra “Gelandewagen”in dövlət nömrə nişanı açılıb. Böyük ehtimalla bu, maşın sahibinin kimliyinin gizli qalması məqsədilə edilib. Hadisə yerinə polis gəlib və qəzaya uğramış “Gelandewagen”i evakuator aparıb.