Bakıda “Hyundai” qaçırılıb

Paytaxda avtomobil qaçıran şəxs tutulub. Daxili İşlər Nazirliyinin mətbuat xidmətindən Avtosfer.az-a verilən məlumata görə, Nəsimi Rayon Polis İdarəsinin 20-ci polis bölməsinə müraciət edən Bakı şəhər sakini O.Abbaslı sentyabrın 30-da rayon ərazisindən “Hyundai” markalı avtomobilinin qaçırıldığını bildirib.

Keçirilmiş əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Sumqayıt şəhər sakini A.İbrahimov həmin gün polis əməkdaşları tərəfindən Sumqayıt şəhəri ərazisində avtomobillə birgə saxlanılıb.

Faktla bağlı təhqiqat davam etdirilir.

Namiq Musayev