Bakıda maşını yumağa aparan kişi peşman oldu

Bakının Nəsimi rayonu ərazisində avtoyuma məntəqəsindən oğurluq olub. Bakı şəhər Baş Polis İdarəsindən Avtosfer.az-a verilən məlumata görə, məntəqənin işçisi yuyulmağa gətirilən avtomobili oğurlayıb. Fevralın 6-da saat 18 radələrində 20 yanvar küçəsində yerləşən avtoyuma məntəqəsindən Bakı şəhər sakini Tural Abbaszadəyə məxsus “Mercedes” markalı avtomobili qaçırılıb. Məlumat daxil olan kimi Nəsimi rayon Polis İdarəsi 19-cu polis bölməsi əməkdaşları əməliyyata başlayıb. Keçirilən əməliyyat tədbirləri nəticəsində maşını qaçırmaqda şübhəli bilinən 1985-ci il təvəllüdlü Ruslan Yusifov tutulub. Araşdırmalar zamanı məlum olub ki, saxlanılan şəxs əvvəllər də məhkumluq həyatı yaşayıb. Faktla bağlı araşdırma aparılır.

Nurlan