Bakıda qadın sürücü yolu tərsinə gedib qəza törətdi - FOTOLAR

Bakının Nərimanov rayonunda diqqətsizlik edən qadın sürücü qəza törədib. APA-nın məlumatına görə, hadisə Fətəli xan Xoyski prospektində qeydə alınıb. 31 yaşlı Aynurə Baxşıyeva sükanı arxasında olduğu "Volkswagen Jetta" markalı avtomobillə prospektdə əks istiqamətdə hərəkətdə olarkən, 43 yaşlı Hikmət Məmmədzadənin idarə etdiyi "Volkswagen Touareg "lə toqquşub. Baş verən qəzada xəsarət alan olmasa da, qadın sürücü hadisə yerini tərk edib. Dərhal hadisə yerinə Nərimanov Rayon Dövlət Yol Polisi Şöbəsinin əməkdaşları gəliblər. Yararsız hala düşmüş avtomobillər evakuator vasitəsi ilə cərimə meydançasına aparılıb. İlkin ehtimallara görə qəzanın baş verməsinə qadın sürücünün prospektə əks istiqamətdə daxil olması səbəb olub. Faktla bağlı araşdırma aparılır.