Bakıda sürücü siqnal verdiyi üçün döyülüb

Bakının Xəzər rayonunda iki nəfər döyülüb. Hadisə Albalılıq qəsəbəsində baş verib. Belə ki, 2002-ci il təvəllüdlü Mirzəyev Əziz Şaiq oğlu idarə etdiyi avtomobil ilə küçədə qarşısına çıxan keçən iribuynuzlu heyvana səs siqnalı verib. Bundan hiddətlənən heyvan sahibi sürücü Ə.Mirzəyev və avtomobildə onun qardaşı, 1999-cu il təvəllüdlü Mirzəyev Mahmud Şaiq oğlunu döyüb. Onlara küt alətlə zərbə vurub. Yaralılar 3 nömrəli şəhər xəstəxanasına yerləşdirilib. (APA)