Bakıda taksi yandı - VİDEO

Xətai rayonunda taksi fəaliyyəti ilə məşğul olan avtomobillərdən birində yanğın baş verib. ANS-in məlumatına görə, hadisə Xətai rayon Yusif Səfərov küçəsində qeydə alınıb. Taksi fəaliyyəti ilə məşğul olan BMW markalı avtomobilin mühərrik hissəsində qəfil yanğın başlayıb. Maşını tərk edən sürücü Fövqəladə Hallar Nazirliyinin 112 xidmətinə məlumat verib. Hadisə yerinə iki yanğınsöndürmə briqadası cəlb olunub. Yanğinsöndürənlər yanan avtomobili söndürüblər və alovun nəqliyyat vasitəsinə tam yayılmasına imkan verməyiblər. Hadisə nəticəsində maşının yalnız mühərrik hissəsi yanıb. Yanğın zamanı avtomaşına ziyan dəysə dəysə də, xəsarət alan olmayıb. Araşdırma zamanı yanğının avtomobilin elektrik naqillərində yaranan qısaqapanma nəticəsində başladığı məlum olub. Hadisə ilə bağlı Xətayi rayon Polis İdarəsinin əməkdaşları tərəfindən araşdırma başlanılıb.