Bakıda velosiped yolları test edildi

Bakıda mikromobillik infrastrukturunun genişləndirilməsi çərçivəsində Azərbaycan Yerüstü Nəqliyyat Agentliyi (AYNA) paytaxtın mərkəzi küçələrində yeni velosiped yollarının salınması işini uğurla davam etdirir. AYNA tərəfindən təşkil edilən son mikromobillik zolaqlarından biri də 28 May küçəsindəki yollardır. Yeni zolaqları test etmək məqsədilə AYNA və “Apar” şirkətinin dəstəyi, “Pedalçı” şirkətinin təşkilatçılığı, “Sürəyənlər” klubunun üzvləri və blogerlərin iştirakı ilə paytaxtda veloyürüş təşkil edilib.
Böyük marağa səbəb olan yürüşün başlanğıc nöqtəsi Yusif Səfərov və Mehdi Mehdizadə küçələrinin kəsişməsi seçilib. Veloyürüşü 28 May küçəsi ilə davam etdirən iştirakçılar marşrut üzrə uzunluğu 2 kilometrə yaxın yol qət edərək finiş xəttinə çatıblar.
Yürüşdə iştirak edən peşəkar velosipedçilər bu qəbildən olan tədbirlərin mikromobillik vasitələrinin qısa məsafələr üçün alternativ və səmərəli alət kimi istifadəsinin təşviqi baxımından əhəmiyyətini qeyd edib, Bakıda mikromobillik zolaqları şəbəkəsinin daha da genişləndirilməsi planlarını dəstəklədiklərini bildiriblər.
Qeyd edək ki, mikromobillik vasitələrinin ətraf mühitə və sağlamlığa müsbət təsiri, eləcə də qısa məsafələrə səfər üçün effektiv olduğu barədə əhalinin daha çox məlumatlandırılması məqsədilə təşkil olunan bu kimi layihələri dəstəkləyən AYNA gələcəkdə də bu istiqamətdə fəaliyyətini davam etdirəcək.
Xatırladaq ki, mikromobillik vasitələrindən istifadə edərkən təhlükəsizliyin təmin edilməsi məqsədilə yol nişanlarına və işıqforların tələbinə riayət, gecə hərəkət edərkən işıqqaytarıcı geyimlər və reflektorlardan istifadə, hərəkət zamanı telefonla oynamamaq, hərəkət vasitələrinin texniki vəziyyətini müntəzəm yoxlamaq vacibdir.
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA
Bakıda avtobuslar üçün yeni svetofor sistemi: Nə dəyişəcək? – AÇIQLAMA
Rayon yollarında təhlükə yaradan 3 əsas amil hansılardır? – MÜTƏXƏSSİS
Bu yollarda tıxac var - SİYAHI












