Bakının bəzi küçə və prospektlərində nəqliyyat vasitələrinin hərəkətində sıxlıq müşahidə edilir. 

Bu barədə Avtosfer.az-a Bakı Nəqliyyat Agentliyindən (BNA) məlumat verilib. 

Bildirilib ki, sıxlıq olan yollarda müntəzəm və ekspress xətlər üzrə avtobusların hərəkəti çətinləşib. 

Təkcə Heydər Əliyev prospektində (kənar yol şəhər mərkəzi istiqamətində) “Koroğlu” NMM-dən “28 May” - “İçərişəhər” və əks istiqamətdə hərəkət edən 30-dan artıq avtobus sıxlıqda qalıb. 

Eyni zamanda Tbilisi prospekti – 20 yanvar dairəsi və şəhər istiqamətində, Koroğlu Rəhimov küçəsi - Heydər Əliyev prospekti və Ak.Həsən Əliyev küçəsi istiqamətində, Ziya Bünyadov prospekti – Poladəritmə zavodunun yanından (Müzəffər Nərimanov küçəsi ilə kəsişmədən) 20 yanvar dairəsi istiqamətində, Rövşən Cəfərov küçəsi – 20 Yanvar dairəsindən  Ziya Bünyadov prospekti istiqamətində, Abbasqulu ağa Bakıxanov küçəsi –Türkiyə səfirliyi istiqamətində, Yusif Səfərov küçəsi – Heydər Əliyev prospekti istiqamətində, Rəşid Behbudov küçəsi – Mərkəzi Bankın qarşısına qədər, 28 may küçəsi – Rəşid Behbudov küçəsi ilə kəsişməyədək nisbətən sıxlıq var. 

Həmçinun Üzeyir Hacıbəyov küçəsi – Cavanşir körpüsünün üstündə, Afiyəddin Cəlilov küçəsində, Mikayıl Useynov prospekti – Azneft dairəsi istiqamətində, Neftçilər prospekti – Kukla teatrının qarşısı (Niyazi küçəsindən gələn nəqliyyat vasitələri) nisbətən, Məhəmməd Hadi küçəsi – Əhmədli metrosunun qarşısı – Babək prospekti istiqamətində, Mustafa Kamal Atatürk prospekti – Ziya Bünaydov prospekti istiqamətində, Babək prospekti – Heydər Əliyev prospektinə girişdə və Abdulvahab Salamzadə küçəsi – Qələbə dairəsi və Ziya Bünyadov prospekti istiqamətində nisbətən sıxlıq var.