Bakının sərxoş sürücüləri - VİDEO

Yanvar ayında 49 mindən çox insan yol hərəkəti qaydalarını pozub. Avtosfer.az-ın məlumatına görə, paytaxtda qayda pozan sürücü və piyadalara qarşı tədbirlər nəticəsində minlərlə insan məsuliyyətə cəlb olunub. Təkcə yanvar ayı ərzində qayda pozan 40 mindən çox şəxsə qarşı inzibati protokol tərtib olunub. Qayda pozanlardan min nəfərə yaxını sərxoş sürücülərdir.

Bakı şəhər Dövlət Yol Polisi İdarəsinin bölmə rəisi, polkovnik Vaqif Əsədov 900-dən artıq sərxoş vəziyyətdə avtomobili idarəedən sürücünün aşkarlandığını dedi. 700-ə yaxın işıqforun qırmızı işığında öz hərəkətini davam etdirən sürücülərə də inzibatı qaydada protokol tərtib edildib. 40-a yaxın avtoxuliqan isə müəyən edilərək sənədləşdirilib. V.Əsədovun sözlərinə görə, avtoxuliqanlar haqqında müəyyən tədbirlərin görülməsi üçün işləri məhkəməyə göndərilib.