Baş nazirdən Nəqliyyat Nazirliyi ilə bağlı qərar

Baş nazir Artur Rasizadə "Azərbaycan  Dəmir Yolları" Qapalı Səhmdar Cəmiyyətinin Nizamnaməsinin və strukturunun təsdiq edilməsi haqqında" Nazirlər  Kabinetinin qərarında dəyişikliklər edilməsi barədə qərar qəbul edib. Bu barədə Nazirlər Kabinetindən məlumat verilib. Qərara əsasən, Nəqliyyat Nazirliyinin tabeleyində olan "Azərbaycan Dəmir Yolları" Qapalı Səhmdar Cəmiyyətinin nizamnamə kapitalı 599000000 manatdan 726146366 manata, onun səhmlərinin nominal dəyəri 2 manat olan 299500000 ədəddən 363073183 ədədə qədər artırılıb.

Nəqliyyat Nazirliyi, Əmlak Məsələləri Dövlət Komitəsi və Qiymətli Kağızlar üzrə Dövlət Komitəsinə bu qərardan irəli gələn məsələləri həll etmək tapşırılıb.