![Oğuzda “Daewoo” ağaca çırpıldı: sürücü ağır xəsarət alıb - FOTO + VİDEO](/upload/news/small/560187.jpg)
Başqasının maşını ilə qəza törədən sürücü öldü
![Başqasının maşını ilə qəza törədən sürücü öldü](/upload/news/5b4577.jpg)
Zaqatalada baş verən ağır yol qəzasında bir nəfər ölüb. APA TV-nin məlumatına görə, Zaqatala-Muğanlı avtomobil yolunun Aşağı Tala kəndi ərazisindən keçən hissəsində kənd sakini, 1984-cü il təvəllüdlü Ruslan Babayev özünə məxsus olmayan “Mercedes” markalı avtomobillə Muğanlı kəndi istiqamətində hərəkətdə olarkən idarəetməni itirib. Daha sonra isə maşını yolun kənarındakı qoz ağacına çırpıb. Deformasiyaya uğramış avtomobildən sürücü Ruslan Babayevi çıxarmaq üçün hadisə yerinə FHN-nin Zaqatala rayon DYMH-nin xilasediciləri cəlb edilib. Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə yaralını avtomobildən çıxararaq hadisə yerinə çağırılmış Təcili Tibbi Yardım Stansiyasının əməkdaşlarına təhvil verib. Ruslan Babayev Zaqatala Rayon Mərkəzi Xəstəxanasına aparılarkən yolda ölüb. Faktla bağlı Zaqatala rayon polis Şöbəsində araşdırma aparılır.