“Bayraktar” PUA-ları hansı ölkələrin arsenalında var? – ARAŞDIRMA

Türkiyə silah sənayesinin ən mütərəqqi nailiyyətlərindən olan “Bayraktar” pilotsuz uçuş aparatları bütün dünyada özündən söz etdirməyi bacarıb. Bu səbəbdən, özünü Qarabağ, Liviya, Suriya, Donbas kimi münaqişə ocaqlarında ən yüksək səviyyədə təsdiqləməyi bacaran PUA-ları istifadə edən və hərbi arsenalına daxil etməyə çalışan ölkələrin sayı isə getdikcə daha da artır.

Bizim.Media-nın araşdırmasına görə, “Bayraktar” PUA-ları hazırda 12 ölkənin hərbi arsenalında özünə yer tapmağı bacarıb.

Həmin ölkələrin sırasında Türkiyə, Azərbaycan, Türkmənistan, Qırğızıstan, Qətər, Ukrayna, Polşa, Efiopiya, Liviya, Tunis, Mərakeş və Niger yer alıb.

Bundan əlavə, “Bayraktar”ları əldə etmək istəyən ölkələrin sayı da az deyil. Onlardan bir qismi sözügedən PUA-ların alınması üçün artıq danışıqlara başlasa da, bəziləri bu barədə planlarının olduqlarını açıqlayıblar.

Həmin siyahıda Böyük Britaniya, Nigeriya, Latviya, Macarıstan, Serbiya, Albaniya, Bolqarıstan, İraq, Oman, Qazaxıstan və Pakistan kimi ölkələr var.