Bayram axşamı dəhşətli qəza: ölən var

Xaçmazda axşam saatlarında ölümlə nəticələnən ağır yol nəqliyyat hadisəsi baş verib. Avtosfer.az-ın anspress-ə istinadən verdiyi məlumata görə, rayonun köhnə Xudat kəndi ərazisində baş verən qəzada bir nəfər ölüb, bir nəfər isə ağır xəsarətlər alıb. Qubanın Qırız kənd sakini, 1982-ci il təvəllüdlü Ərəstun Akif oğlu Seyidova məxsus "Mitsubishi Pajero" markalı avtomobil yolda hərəkət edən zaman həmin istiqamətdə avtomobili Elmar Fəxrəddin oğlu Arazova məxsus "Passat" markalı maşından düşən 2 sərnişini vurub. 1991-ci il təvəllüdlü İmran İsmayıl oğlu İsmayılov hadisə yerindəcə keçinib. 1989-cü il təvəllüdlü Ruslan Əsəd oğlu Əsədov isə ağır xəsarətlər alıb. O Xaçmaz rayon Xəstəxanasına çatdırılıb. 

Faktla bağlı Xaşmaz rayon Polis Şöbəsində araşdırmalar aparılır.