Bayramı qara gətirən sürücüyə ağir cəza
Gündəm
4 Dekabr 2014 17:26
Oxunub 1233
Ramazan bayramı günündə qəza törədən sürücü 7 il azadlıqdan məhrum edildi
Bu gün Ağır Cinayətlər Məhkəməsində bir nəfərin ölümündə, bir nəfərin yaralanmasında təqsirli bilinən Bakı şəhər sakini, 1981-ci il təvəllüdlü Rəşad Ağaverdiyevin cinayət işi üzrə məhkəmə prosesi başa çatıb. Lent.az-ın məlumatına görə, Rahib Salmanovun sədriliyi ilə keçirilən prosesdə hökm oxunub. Hakimlər kollegiyasının qərarı ilə Rəşad Ağaverdiyev 7 il müddətinə azadlıqdan məhrum edilib.
Qeyd edək ki, hadisə bu il 29 iyulda (Ramazan bayramı günü) Xətai rayonu Əhmədli qəsəsbəsində baş verib. Gəncə prospektində 1981-ci il təvəllüdlü Rəşad Ağaverdiyev idarə etdiyi «BMW» markalı avtomobillə yolun kənarında dayanan 1968-ci il təvəllüdlü Ehtiram Bəylərova məxsus “QAZ-53” markalı avtomobillə toqquşub. «BMW» sürətlə hərəkət edərək “QAZ-53”ü arxadan vurub. Nəticədə, sürücü ağır yaralanıb. Onun sərnişini, Balakən rayon sakini, 1975-ci il təvəllüdlü Məzahir Həsənov hadisə yerində ölüb.
ŞƏRH YAZ
DİGƏR XƏBƏRLƏR
