Bəxti bağlanmış yol - Cəlilabad-Yardımlı yolu...

«Yaxşı olardı ki, hökumət hesabatında vətəndaşların problemlərinə biganə qalan məmurların adlarını əks etdirsin”. Avtosfer.az xəbər verir ki, bunu millət vəkili Fəzail İbrahimli deyib. O qeyd edib ki, Baş nazir Artur Rasi-zadə bir məmur nümunəsidir: “Artur Rasizadədə məmur əxlaqı var. Bütün parlament üzvləri mənimlə razılaşar ki, o, məmurlara nümunədir. Bu gün vətəndaşların problemlərinə müsbət yanaşan məmurların sayı kifayət qədərdir. Artıq kabinet regionlara yaxınlaşır. Dövlət qurumları vətəndaşların problemlərini yerindəcə həll edirlər”.

Millət vəkili Cəlilabad-Yardımlı yolunun başa çatdırılması məsələsini də qaldırıb: «Mən eşitmişəm ki, bəxti bağlanmış qız olur, amma bəxti bağlanmış yol eşitməmişəm. Cəlilabad-Yardımlı yolu təmirə başlananda Rusiya Gürcüstana hücum etdi və bu yol yarımçıq qaldı. Yenidən təmirə başlananda dünyada iqtisadi böhran baş verdi. Xahiş edirəm, hökumət bu yolun bəxtinin açılmasına yardım etsin». Spiker Oqtay Əsədov isə deyib ki, «narahat olmayın, bəxti açılar».

Elməddin