Beynəlxalq Avtovağzaldan sərnişinlərə ŞAD XƏBƏR - Hər şey nəzərə alınıb

Bakı Beynəlxalq Avtovağzal Kompleksi Novruz Bayramı günlərində əhalinin nəqliyyat xidmətləri ilə keyfiyyətli və davamlı şəkildə təmin edilməsi üçün mart ayının 15-dən 27-nə kimi gücləndirilmiş iş rejimində fəaliyyət göstərəcək. BBAK-ın mətbuat katibi Samir Səfərov Avtosfer.az-a bildirib ki, sərnişin sıxlığının qarşısını almaq üçün xəttə lazımi sayda əlavə avtobus buraxılması təmin ediləcək.

Bundan əlavə, sərnişin axınının çoxalması nəzərə alınaraq, koronavirus pandemiyası ilə əlaqədar  avtonəqliyyat vasitələrinin, eləcə də gözləmə zallarının, xidməti otaqların, mədəni-məişət və sanitar-gigiyenik təyinatlı sahələrdə gündəlik dezinfeksiya tədbirlərinin davamlı olaraq aparılmasına nəzarət gücləndirlib. Sanitar- gigiyenik vəziyyətə ciddi nəzarət həyata keçirilir.

Şəhərlərarası, rayonlararası  marşrutlar üzrə sərnişin daşımalarını yerinə yetirən daşıyıcılar tərəfindən fasiləsiz və təhlükəsiz hərəkətin təmin edilməsi, təsdiq edilmiş cədvəl üzrə hərəkət qrafiklərinə ciddi riayət edilməsi ilə bağlı nəzarət gücləndirilib.

Vətəndaşlarımız elektron ünvan, sosial media hesablarımız və əlaqə telefonlarımız vasitəsi  ilə bizimlə  əlaqə saxlaya bilərlər.

Sərnişinlər onları  maraqlandıran  suallarla  bağlı “ 1414” Çağrı  Mərkəzinə, şəhər telefonlarından  isə (012) 406-01-58/59 nömrələrinə  zəng edərək  informasiya ala  bilərlər.

 [email protected] e-mail ünvanına və ya BBAK-ın “Facebook” səhifəsinə narahatçılıq doğuran məsələləri   yazıb  bildirə bilərlər.

Sərnişinlərə tövsiyyəmiz odur ki, biletlərini qabaqcadan BBAK-ın kassalarından təmin etsinlər. 10 gün qabaqcadan 1 gün öncəyədək  həm nəğd, həm də onlayn şəkildə bilet əldə etmək mümkündür. Qabaqcadan bilet əldə etməklə sərnişinlər əlavə vaxt itirmədən, rahat şəkildə BBAK-a gələrək səfər edə bilərlər. Biletlərin qiyməti “avtovagzal.az” saytında öz əksini tapıb.

Bayramda əsas axının Cənub və Şimal-Qərb  istiqamətlərində olacağı gözləniləndir.

ŞİMAL-QƏRB MARŞRUTU: BAKI — ŞAMAXI — İSMAYILLI — QƏBƏLƏ — OĞUZ — ŞƏKİ — QAX — ZAQATALA — BALAKƏN

CƏNUB MARŞRUTU: BAKI — MASALLI — LƏNKƏRAN — LERİK — ASTARA

Adi günlərdə BBAK-dan  gün ərzində  180-ə yaxın  müntəzəm və qeyri-müntəzəm   avtobuslar reysə  çıxır. Bayramda zərurət olduğu təqdirdə avtobus sayının 300-ə  çatdırılması nəzərdə tutulub. Sərnişin sayı  cari günlərdə 3000- 4000  arasında olursa, bayram günləri  bu rəqəmin 10-12  min arasında dəyişəcəyi  gözlənilir.

Emin