Bəzi yollarda avtomobil sıxlığı yaranıb

Bu gün Bakı şəhərinin bir sıra yol və prospektlərində nəqliyyatın hərəkətində sıxlıq müşahidə olunur. Nəqliyyatı İntellektual İdarəetmə Mərkəzindən Avtosfer.az-a verilən məlumata görə, Mehdi Huseyn, Şeyx Şamil küçələri (“İçərişəhər” metrosu istiqamətində) “İçərişəhər” metrosu yaxınlığındakı 132-134 saylı məktəbin qarşısında nizamsız dayanan avtomobillər nəqliyyatın hərəkətinə mane olur. Bununla yanaşı, Azadlıq prospekti (“28 May” metrosu istiqamətində), Şah İsmayıl Xətai prospektində də (Təhsil Nazirliyinin qarşısı) avtomobil çoxluğu səbəbindən nəqliyyatın hərəkətində sıxlıq yaranıb.