Bir gecədə 100 taksini əzdi, sürücüləri döydü

Dünən gecə Türkiyənin İstanbul şəhərində taksi sürücüləri kütləvi şəkildə hücumlara məruz qalıb. Anspress-in məlumatına görə, naməlum şəxs bir gecədə 100-dən çox taksini sındırıb. Bir neçə sürücünü döyüb. Taksi sürücülərinin kütləvi şəkildə şikayətləri əsasında əməliyyat keçirilib. İlk öncə cinayətkarın fotorobortu çıxarılıb. Şəkil əsasında şübhəli şəxs aşkarlanıb. Polis qısa müddət ərzində 28 yaşlı şübhəlini yaxalayıb. Saxlanılan şəxs ilk ifadəsində törətdiklərini etiraf edib. Saxlanılan şəxs taksi sürücülərinə intiqam almaq üçün hücum etdiyini bildirib. Belə ki, həmin şəxs taksidən istifadə edib. Xidmət üçün 70 türk lirəsi ödəməli olan gənc 100 lirə verib. Taksi sürücüsü isə 30 lirəni qaytarmaqdan imtina edib və qaçıb. Gənc də onun intiqamını digər taksi sürücülərindən almağa qərar verib.