Bir həftədə 321 sürücü pərdə və plyonkaya görə cərimələnib

«Son 7 gündə ölkə ərazisində 321 sürücü pərdə və plyonkadan istifadə etdiyinə görə cərimələnib". Baş Dövlət Yol Polisi İdarəsinin ictimai qurumlarla əlaqə şöbəsinin rəisi Kamran Əliyev APA-ya bildirib ki, pərdə və plyonkaların istifadəsi qanunla nəzərdə tutulan icazə müddətinin bitdiyi vaxtdan, yəni noyabrın 16-dan bu günə qədər respublika ərazisində 321 sürücü pərdə və plyonkalardan istifadə etdiyinə görə cəzalanıb. Baş verən qanun pozuntularının 159-u paytaxt Bakının payına düşür. K.Əliyev sürücülərə müraciətində bildirib ki, noyabrın 16-dan pərdə və plyonkaların icazə verilən istifadə  müddəti bitdiyinə görə, sürücülərin bunu nəzərə almaları və bu kimi qanun pozuntusuna yol verməməyi məsləhət görür: ”Bu kimi qanun pozuntusu edən şəxslər  İnzibati Xətalar Məcəlləsinin 155.2.4 maddəsinin tələbinə əsasən məsuliyyətə cəlb ediləcək və  yüz əlli manat miqdarında cərimə olunacaqlar“.