Böyük Britaniyada avtomobil satışları 20 illik minimuma enib

Böyük Britaniyada yeni avtomobillərin satışları sentyabr ayında illik müqayisədə 4,4% azalaraq 1999-cu ildən bəri ən aşağı səviyyəyə enib – 328 041 ədəd.

İlin əvvəlindən satışlar 33,2% azalıb, yanvar-sentyabr aylarında ölkədə 1,24 mln. ədəd yeni avtomobil realizə edilib.

SMMT qeyd edir ki, pandemiya dövründə Böyük Britaniyada avtomobil satışları azalsa da, azalma templəri stabildir və mənfi dinamika gözəçarpan deyil.

Xatırladaq ki, avqust ayında Böyük Britaniyada avtomobil satışları illik müqayisədə 45% azalıb. (APA)