Bu avtobus sürücülərinə bəd xəbər - VİDEO

Avtobusda sərnişinlər sıxlıqdan əziyyət çəkir. Axşam saatlarında 204 saylı marşut xətti üzrə hərəkət edən avtobusa həddindən artıq sərnişin mindiyindən nəqliyyat vasitəsi qapısı açıq vəziyyətdə hərəkət etməyə məcbur olub. Sabunçu rayonunun eyni adlı qəsəbəsindən Ramana kəndi istiqamətinə hərkətdə olan orta tutumlu sərnişin avtobusuna əvvəlcə sərnişinlər minir daha sonra nəqliyyat vasitəsində yer olmadığından gənclər qapıdan tutub avtobusun içərisində deyil, çölündə getmək məcburriyətində qalır. Bu azmış kimi 204 saylı avtobusunun sürücüsü dayanacaqdan kənar saxlayıb sərnişin endirməli olur. Sürücü bizi görər-görməz ön qapını bağlamaqla məsələni ört-basdır etməyə çalışır.

Problemlə bağlı Nəqliyyat Nazirliyi katibliyinin müdiri Namiq Həsənov bildirdi ki, indiyə qədər bu cür hallara dəfələrlə rast gəlinib. Problemin bir daha təkrarlanmaması üçünsə, bu aydan etibarən ciddi qayda pozan sürücülərə qarşı davamlı reydlər həyata keçiriləcək. Namiq Həsənovun sözlərinə görə, reydlər zamanı həmin sürücülər ciddi cəzalandırılacaq. Bundan başqa qurum rəsmisi onu da dedi ki, təkcə qayda pozan sərnişin avtouslarının sürücüləri deyil, həm də onların sahibkarları da xətdən kənarlaşdırlacaq. ANS