Bu gün Bakıda tıxac olmayıb

Bu gün paytaxtın əsas küçə və prospektlərində sıxlıq müşahidə olunmayıb. Nəqliyyatı İntellektual İdarəetmə Mərkəzindən (NİİM) Avtosfer.az-a verilən məlumata görə, mərkəz tərəfindən mütəmadi tənzimlənmə işlərinin (işıqforların idarəolunması,sürücülərin məlumatlandırılması və s.) aparılması və Ziya Bünyadov prospektinin istismara verilməsi nəticəsində bu gün səhər saatlarında Bakı şəhərinin əsas küçə və prospektlərində sıxlıq müşahidə olunmayıb.

Qeyd edək ki, Ziya Bünyadov prospektinin əsas yolu bütünlüklə sürücülərin istifadəsinə verilib. Ziya Bünyadov prospektinin Müzəffər Nərimanov küçəsi ilə kəsişməsindən Böyük Şor yol qovşağına qədər olan hissəsi açılıb. Bununla da Ziya Bünyadov prospektinin hər iki istiqamətdə əsas yolu açılıb. Hazırda köməkçi yollarda son tamamlanma işləri aparılır.

Fidan