Bu il Bakıda daha 14 yol kəsişməsində sarı torlar çəkiləcək

Bakıda avtomobil yollarında tıxac və sıxlıqların aradan qaldırılması ilə bağlı tədbirlər davam etdirilir. Bu barədə Trend-ə açıqlamasında Bakı Nəqliyyat Agentliyinin Mətbuat katibi Mais Ağayev deyib. O bildirib ki, görülən tədbirlər nəticəsində avtomobil yollarının kəsişmələrində sarı torlar çəkilir: "Bu günə qədər artıq Bakıda 26 yol kəsişməsində sarı torlar çəkilib. Bu ilin sonuna qədər isə daha 14 kəsişmədə sarı torlar çəkiləcək".
Xatırladaq ki, kəsişmələrdə çəkilən yeni torların üzərində avtomobil saxlamaq qadağandır.