Bu kənddə xəstələnən peşman olur - VİDEO

Quba rayonunun Kardaş kəndində illərdir mövcud olan körpü problemi hələ də öz həllini tapmayıb.

Avtosfer.az-ın “Qafqazinfo”ya istinadən məlumatına görə, sakinlər bildirir ki, çayın üzərində sabit körpünün olmaması səbəbindən kəndə yalnız iri yük avtomobilləri ilə daxil olmaq mümkündür.

“Son günlərdə çayda suyun səviyyəsinin artması ilə vəziyyət daha da ağırlaşıb. Artıq avtomobillərin kəndə girişi tamamilə mümkün deyil” - sakinlər bildirir.

Qeyd olunur ki, çağırışa gələn təcili yardım maşını da kəndə daxil ola bilməyib. Nəticədə xəstə, yaxınlarının köməyi ilə  xərəklə çayın digər tərəfinə keçirilib.

Həmin anın videosunu təqdim edirik: