Bu küçədə yol nişanını görməzdən gələn sürücülər təhlükə yaradır - Piyadalar ŞİKAYƏTÇİDİR - VİDEO

Paytaxtın Nəsimi rayonu, Səməd Vurğun küçəsində hərəkətdə olan sürücülər  piyadalara təhlükə yaradır.

Bununla bağlı izləyicilərdən biri Avtosfer.az-ın rəsmi “İnstagram” səhifəsinə videomaterial göndərib. Onun sözlərinə görə, sözügedən ərazidə sürücülərin əksəriyyəti piyada keçidi nişanına və zolağına əhəmiyyət vermədən hərəkət edirlər. Nəticədə piyadalar yolu keçməkdə çətinlik çəkirlər. Kadrdan da aydın görünür ki, sürücülər yolu keçən piyadanı görsələr də onlara yol vermirlər. Təbii ki, belə halda piyadalar qəza təhlükəsiylə üz-üzə qalır. 

Təəssüflə qeyd edək ki, nizamlanmamış piyada keçidlərində belə hallara rast gəlmək olur. Hər bir sürücü keçidə yaxınlaşan zaman sürət həddini aşağı salmalıdır. Piyadalar isə keçiddən istifadə etsələr də nəqliyyat vasitəsinin dayandığına əmin olduqdan sonra yolu keçməlidirlər. 

Nərmin