“Bu proseslərdən sonra hava limanı Azərbaycanın istifadəsində olacaq” - EKSPERT

İşğaldan azad edilən ərazilərdə yeürstü infrastruktur bərpa edilməklə yanaşı hava limanları inşa edilməkdədir. Bu haba limanları təkcə daxili deyil, həm də xarici reyslər həyata keçirməkdədir.  Xocalıda istifadə edilməyən hava limanında qısa müddət ərzində öz təyinatı üzrə istifadə etmək mümkün olacaqmı?

Nəqliyyat eksperti Elməddin Muradlı bildirdi ki, Xocalı Hava Limanı hazırda Rusiya sülhməramlı qüvvələrdən tam  şəkildə təmizlənməkdədir:

“Onlar  mərhələli şəkildə tərk etmə prosesindədir. Hava limanı Azərbaycan tam nəzarətinə keçdikdən sonra restavrasiya işlərinə ehtiyac var. Təhlükəsizlik qaydalarına uyğun olaraq müəyyən yoxlamalar aparılmalıdır. Bu proseslərdən sonra hava limanı Azərbaycanın istifadəsində olacaq. Azərbaycan qısa zaman ərzində  Füzuli və Zəngilanda hava limanları inşa etdi. Hazırda Laçında da hava limanı inşa edilir. Xocalı Qarabağda hava məkanını təyin edəcək hava limanı rolunu oynayacaq. Xocalı Hava Limanı bizim üçün həm də rəmzi məna daşıyır. Hesab edirəm ki, bu hava limanı hərbi təyinatla da üçün də istifadə oluna bilər”.