Bu qaydaları pozan şəxslər CƏRİMƏLƏNƏCƏK – DİN-dən XƏBƏRDARLIQ

Ölkədə ictimai məkanlarda, o cümlədən kafelərdə və ofislərdə siqaret çəkilməsi ilə bağlı xüsusi qanunvericilik mövcuddur. Bu qanunvericilik insanların sağlam mühitdə yaşamaq hüququnu qorumaq məqsədilə müəyyən qaydalar təsbit edir. Xüsusilə, tütün məmulatlarının qapalı məkanlarda istifadəsinin qadağan olunması, siqaret çəkənlər üçün xüsusi yerlərin ayrılması və bu qaydalara riayət olunmasına nəzarət edilməsi əsas məsələlərdən biridir.
Avtosfer.az xəbər verir ki, bu qaydaların icrasına nəzarət dövlət qurumları tərəfindən həyata keçirilir və pozuntulara görə cərimələr nəzərdə tutulur. Lakin bəzi hallarda bu qaydalara tam əməl olunmadığı müşahidə edilir. Kafelərdə və ofislərdə siqaret çəkilməsinin qarşısını almaq üçün ictimai monitorinqin aparılması, müəssisə rəhbərlərinin məsuliyyətinin artırılması və müvafiq cərimələrin tətbiqinin gücləndirilməsi kimi tədbirlər görülür.
Bütün bu tədbirlərə baxmayaraq, ictimai yerlərdə siqaret çəkilməsinə tam nəzarət olunması üçün hansı əlavə mexanizmlər tətbiq edilə bilər və bu qaydaların icrasına necə daha effektiv nəzarət etmək mümkündür?
Mövzu ilə bağlı sosioloq Üzeyir Şəfiyev Avtosfer.az-a açıqlamsında bildirib ki, Azərbaycanda tütün məmulatlarının istifadəsi ilə bağlı qanunvericilik mövcuddur:

“Hətta 2017-ci ildə bu sahəyə aid xüsusi qanun qəbul edilib və İnzibati Xətalar Məcəlləsinə müvafiq dəyişikliklər edilib. Son illərdə aparılan statistik müşahidələr göstərir ki, Azərbaycanda tütün məhsullarının, o cümlədən siqaret və siqaret əvəzedicilərinin istifadəsi artmışdır. Xüsusilə qadınlar və azyaşlılar arasında siqaret istifadəsinin artması narahatlıq doğuran bir tendensiyadır.
Bu səbəbdən, ictimai yerlərdə tütün məmulatlarının istifadəsinin tənzimlənməsi vacibdir. Hazırda ictimai məkanlarda siqaret çəkən insanların ətrafdakı insanlara mənfi təsiri açıq şəkildə müşahidə olunur. Məsələn, xiyabanlarda, restoran və kafelərdə, qapalı məkanlarda siqaret tüstüsü digər insanların sağlamlığına zərər verir. Buna görə də qanunvericilikdə siqaret istifadəsinə nəzarətin artırılması və müvafiq inzibati tədbirlərin sərtləşdirilməsi məqsədəuyğundur”.
Sosioloq əlavə olaraq bildirib ki, ictimai obyektlərdə siqaret çəkənlər üçün xüsusi yerlərin ayrılması, siqaretdən istifadə etməyən insanların hüquqlarının qorunması və ictimai sağlamlığın təmin edilməsi üçün daha ciddi monitorinq və nəzarət mexanizmlərinin tətbiqi vacibdir:
“Teatrlar, ticarət mərkəzləri, yeraltı keçidlər, təhsil və səhiyyə müəssisələri, sosial xidmət obyektləri kimi yerlərdə siqaret istifadəsinin qadağan olunması və bu qadağalara ciddi riayət edilməsi mütləqdir.
Bu sahədə qanunvericiliyin tətbiqi ilə bağlı nəzarətin gücləndirilməsi və ictimaiyyətin bu məsələyə daha həssas yanaşması vacibdir”.
DİN-in Mətbuat Xidmətinin baş inspektoru, polis leytenantı Elbrus İbrahimov isə bildirib ki, ictimai-iaşə obyektlərində tütündən istifadə ilə bağlı qadağanedici normalar həmin obyektlərin daxili qaydalarına uyğun təşkil olunur:
.jpg)
“Hər bir halda ictimai-iaşə obyektlərində siqaret çəkmək üçün müvafiq yerlər var və həmin yerlərdə siqaretin çəkilməsinə icazə verilir.
Polis tərəfindən paytaxt ərazisində nəzarət-profilaktik tədbirlər həyata keçirilir. İctimai, müəyyən olunmamış, urnalardan kənarda tütün məmulatlarından istifadə edən şəxslər barəsində inzibati tənbeh tədbirlərinin görülməsi diqqət mərkəzində saxlanılan məsələlər sırasındadır.
İctimai-iaşə və buna bərabər digər obyektlərdə xidmətə cəlb olunan naryad qrupları tərəfindən obyekt rəhbərləri ilə müvafiq profilaktik söhbətlər aparılır ki, qanunvericiliyə uyğun norma və qaydalara əməl etsinlər”.
Eltac Zülfüqaroğlu
Gürcüstanda avtomobil rüsumları artırılır: Azərbaycan bazarına təsiri necə olacaq? - AÇIQLAMA
Təcili yardımın arxası ilə gedən sürücülərə DİN-dən XƏBƏRDARLIQ - VİDEO
Səkilərdə piyadaların maneəsiz hərəkəti necə təmin edilməlidir? – TƏKLİF
Bu yollarda tıxac var - Sürücülərin NƏZƏRİNƏ!
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ












