Bugünkü küləyin fəsadları - FOTO

Ötən gecədən başlayaraq əsən güclü külək Sumqayıt şəhərinin müxtəlif istiqamətlərində bir sıra fəsadlar törədib.

Avtosfer.az APA-ya istinadən bildirir ki, külək yaşayış binaların qarşısında olan 8 iri gövdəli ağac kökündən çıxaraq aşıb.

Səhər saatlarında aşan ağaclardan biri 4-cü mikrorayon ərazisində 27/4 saylı binanın 3-cü mərtəbəsində eyvanı da uçurub.

Əraziyə Sumqayıt şəhər Yaşıllaşdırma idarəsinin və Mənzil İstismar Sahəsinin əməkdaşları cəlb olunub.

Bildirilib ki, doğranaraq xüsusi avtomobillərə yığılan ağaclar ərazidən daşınır.