"Cəfər Cabbarlı" stansiyasının bir xətti bağlandı

Bakı Metropoliteninin "Cəfər Cabbarlı" stansiyasının ikinci xətti təmirə bağlanıb. Metropolitenin mətbuat xidmətinin rəhbəri Nəsimi Paşayevin Avtosfer.az-a verdiyi məlumata əsasən, bundan əvvəl də hər iki xətt mütəmadi istifadə olunmurdu, bir xətdən gələn qatar digəri ilə yola salınırdı.

Relslərdə heç bir problemin olmadığını deyən mətbuat katibi tunelin boya işləri və korroziyanın yol açdığı bəzi problemlərdən dolayı sağlamlaşdırma işləri üçün bağlandığını bildirib.

Qeyd edək ki, xətt fevralın 9-da bağlanıb və ilin sonuna qədər açılmağı planlaşdırılmır.