Deputat hökumətə çağırış etdi: “Bakı-Quba yolu çox bərbad vəziyyətdədir”

“Bakı-Quba yolu bərbad vəziyyətdədir. Bu yolla gediş-gəliş ümumiyyətlə qeyri-mümkündür”. Avtosfer.az xəbər verir ki, bunu Milli Məclisin bu gün keçirilən iclasında Nazirlər Kabinetinin 2021-ci ildə fəaliyyəti haqqında hesabatının müzakirəsi zamanı deputat Vahid Əhmədov bildirib. “Yolun bərbad olmasına görə şimal bölgəsinə gedən turistlərin sayı kifayət qədər azalıb. Mən bu yolun təmiri ilə əlaqədar aidiyyəti qurumlarla müzakirələr aparmmışam. Onlar deyirlər ki, alternativ yol çəkilir. Ancaq o yol hələ gec istifadəyə veriləcək”,-deyə Vahid Əhmədov əlavə edib. 

Deputat parlamentin iclasında iştirak edən baş nazir Əli Əsədova müraciət edərək ondan bu yolla əlaqədar müəyyən vəsaitin ayrılmasını və yolun təmirinə icazə verilməsini istəyib.