Devid Bekhem qəzaya düşdü

Futbol üzrə İngiltərə yığmasının keçmiş kapitanı Devid Bekhem avtomobil qəzası keçirib. Anspress-in məlumatına görə, ulduz futbolçu 15 yaşlı oğlu Bruklinlə birlikdə avtomobillə hərəkət edərkən qəzaya düşüblər. Qəza Devid Bekhemin“Arsenal” futbol klubunun 15 yaşlılardan ibarət (U-15) komandasında çıxış edən oğlu Bruklini məşqdən evə apararkən baş verib.  Hadisə zamanı nə futbolçu, nə də oğlu xəsarət almayıb. Bu barədə Bruklinin komanda yoldaşı Arçi Devis "Twitter" mikrobloqunda yazıb. 

“The Telegraph” qəzetinin yaydığı xəbərdə isə Devid Bekhemin çiyninindən zədələndiyi bildirilir.