DİQQƏT!: Bu evlər satıla bilməz – RƏSMİ AÇIQLAMA

Birinci Qarabağ müharibəsindən sonra şəhid ailələri və qazilərin evlə təminatı proqramına start verilib. Məhz 44 günlük Vətən müharibəsindən sonra isə bu istiqamətdə işlər daha da genişləndirilib. Azərbaycan Respublikasının Prezidenti İlham Əliyevin 2021-ci ilin yanvarında imzaladığı Sərəncamla təsdiq olunmuş proqramlara əsasən, 2021-2025-ci illərdə ev şəraitinin yaxşılaşdırılmasına ehtiyacı olan 11 mindən çox şəhid ailəsi və müharibə əlili mənzil, fərdi evlə təmin edilməsi nəzərdə tutulub.
Bəs şəhid ailələri və qazilərə verilən evlərə görə onlara hansı sənədlər təqdim olunur? Bu evlər satıla bilərmi?
Bu barədə Avtosfer.az-ın suallarını Sosial Xidmətlər Agentliyinin İctimaiyyətlə əlaqələr və kommunikasiya departamentinin mətbuat katibi Murad Həşimov cavablandırıb.
O, bildirib ki, nazirlik tərəfindən imtiyazlı şəxslərin mənzil təminatı həyata keçirilərkən həmin şəxsin imtiyazı, ailə üzvləri, mənzil uçotuna alınması, mənzilin təqdim edilməsi barədə məlumatları əks etdirən sənəd verilir: “Mənzilin vətəndaşa təhvil verilməsi haqqında akt imzalanır. İmtiyazlı şəxslər onlara verilmiş mənzil üzərində Mülki və Mənzil Məcəllələrinə əsasən tam istifadə hüququna malik olurlar. Lakin Mənzil Məcəlləsinin 146.2-ci maddəsinə əsasən, mənzil fondunun özəlləşdirilməsi həmin Məcəllə qüvvəyə mindikdən sonrakı dövrdə vətəndaşlara verilən sosial və xüsusi təyinatlı dövlət mənzil fondunun yaşayış sahələrinə şamil edilmir”.
Yəni buradan anlaşıldığı kimi verilən mənzildən tam istifadə hüququ verilir. Evin özəlləşdirilməsi isə mümkün olmadığından satılması da mümkün deyil.
Qeyd edək ki, şəhid ailələri və müharibə ilə əlaqədar əlilliyi olan şəxslərə 2023-cü ildə 1500, möhtəşəm Zəfər əldə etdiyimiz 44 günlük Vətən müharibəsindən sonra 6 min, ümumən ötən dövrdə 14 800 mənzil və fərdi təqdim edilib.
Məhəbbət Tərlanoğlu
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA












