Dünyada ən işlək hava yolu marşrutu bağlandı

Böyük Britaniya bu gündən etibarən Birləşmiş Ərəb Əmirliyinə (BƏƏ) birbaşa gediş-gəliş uçuşlarını bağlayır.

Ölkənin Nəqliyyat naziri Qrant Şepps “Twitter” hesabında qeyd edib ki, bu, dünyanın ən işlək London-Dubay hava yolu marşrutuna təsir edəcək.

Tədbir koronavirusun “Cənubi Afrika ştammı”nın yayılması təhlükəsi ilə əlaqədardır.

Dubay Hava Limanı artıq Britaniyaya bilet alan sərnişinləri hava limanına gəlməməyə və öz hava yolu şirkətləri ilə əlaqə saxlamağa çağırıb.