Düşmənə qan udduran şəhid Rəşad Babayev - VİDEO

Vətən müharibəsində canını fəda etmiş igid hərbçilərimizdən biri də Rəşad Babayev olub. 

Şəhid Rəşad Babayev 2014-cü ildə Xüsusi Təyinatlı Qüvvələrin  hərbi hissəsində həqiqi hərbi xidmətə başlayıb.

Sonradan burada  müddətdən artıq hərbi qulluqçu kimi  xidmətini davam etdirib. Rəşad Vətən müharibəsinin ilk günlərindən döyüşə yollanıb. Döyüşlərdə düşmənin xeyli canlı qüvvəsini məhv edib.

Rəşad Vətən müharibəsində Murovdağ zirvəsi, Suqovuşan, Cəbrayıl, Füzuli və Xocavənd istiqamətində gedən döyüşlərdə şücaət göstərib. Hadrut istiqamətində gedən döyüşlərdə şəhidlik  zirvəsinə  ucalıb.

Xüsusi təyinatlı gizir şəhid Rəşad Babayev şəhadətindən sonra "Vətən uğrunda " , "İgidliyə görə" , "Kəlbəcərin azad olunmasına görə" , "Xocavəndin azad olunmasına görə", "Füzulinin azad olunmasına görə" medalları və  "Rəşadət ordeni " ilə təltif olunub.