DYP-dən polisi arxasıyla «sürüyən» «avtoş»la bağlı açıqlama

Bakı şəhər Baş Polis İdarəsinin Dövlət Yol Polisi İdarəsinin ictimaiyyətlə əlaqələr bölməsinin rəisi, polkovnik-leytenant Vaqif Əsədov sosial şəbəkələrdə yayılmış “avtoş”un DYP əməkdaşı ilə necə qaçdı-qovdu oynaması videosu ilə bağlı açıqlama verib. Avtosfer.az-ın məlumatına görə, Vaqif Əsədov oxu.az-a bildirib ki, bunula bağlı araşdırma aparılacaq və sürücü məsüliyyətə cəlb olunacaq. “Təbii ki, avtomobili yüksək sürətlə idarə edən, təhlükəli manevrlə YPX əməkdaşından yayınmağa çalışan sürücü yol polisi tərəfindən təqdim edilmiş raport əsasında mütləq tapılıb məsulyyətə cəlb olunacaq. Sürücünün video ilə çəkilmiş bu əməllərinin yayılması onun aşkar edilib məsluyyətə cəlb olunmasına əsas verir».

V.Əsədov qeyd edib ki, sürücü avtoxuliqanlıq əlamətlərinə yaxın xətta törədib: «Sujetdən sürücünün təhlükəli manevrlər etməsi və avtomobili sürətlə idarə etməsi, avtoxuliqanlıq əlamətləri olan xətalar törətdiyi görünür».

BDYP-nin bölmə rəisi gənclərə yayımlanan video ilə bağlı çağırış edib: «Bu kimi hallar sürücünün məsuliyyətə cəlb edilməsinə əasas verir. Yol polisinin "saxla" əmrinə tabe olmayan sürücünün məqsədi nədir? Bu, qəhrəmanlıq deyil, ağılsızlıqdır. Avtoxuliqanlıq əməllərini internetdə yaymlaqla sürücü özünü qəhrəman hesab edir, amma onun qəhrəmanlığını törətdiyi əməllə əlaqədar aldığı cəzadan sonra görəcəksiniz. Bu gün internetdə qəhrəmanlıq edən sürücünü sabah məhkəmə qarşısında görsəniz dəhşətə gələrsiniz».