DYP rüşvət ittihamını araşdıracaq

Dünən moderator.az saytına müraciət edən Cəlilabad rayon Cəlayir kənd sakini Amid Əmirov Cəlilabad DYP-sinin əməkdaşı Ramiz İsmayılova qarşı ciddi ittihamlarla çıxış edib. (http://moderator.az/?xeber=64269 ) R.İsmayılovu rüşvətxorluqda ittiham edən kənd sakini əlaqədar qurumlardan adıçəkilən DYP əməkdaşı ilə bağlı tədbir görməyi xahiş edib. Bununla bağlı açıqlama verən BDYPİ-nin mətbuat xidmətinin rəhbəri Kamran Əliyev müraciətin araşdırılacağını bildirib: “Vətəndaşın müraciəti tərəfimizdən araşdırılacaq. Yalnız bundan sonra  məsələ ilə bağlı qəti fikir yürütmək olar. Lakin yaxşı olar ki, vətəndaşlar üzləşdikləri arzuedilməz olaylarla bağlı öncə əlaqədar quruma müraciət etsin. Əgər bu araşdırmanın nəticəsi onları qane etməzsə, bundan sonra başqa yerlərə müraciət etsinlər. Vətəndaşlar bizimlə ünsiyyət qurmaq üçün digər əlaqə vasitələri ilə yanaşı “902” nömrəsinə də zəng edə, onları narazı salan məqamlarla bağlı bizi asanlıqla məlumatlandıra bilərlər”.