Erməni hərbçiləri ilə dolu “QAZ-66” dərəyə düşüb: 1 ölü, 12 yaralı

Sentyabrın 19-da saat 17 radələrində Ermənistanın Tavuş vilayətinin Artsvaberd kəndi ərazisində hərbçiləri daşıyan Ermənistan Müdafiə Nazirliyinə məxsus “QAZ-66” markalı maşın yoldan çıxaraq dərəyə yuvarlanıb. Avtosfer.az-ın APA-ya istinadən verdiyi xəbərə görə, avtomobili idarə edən kapitan Pavlik Manukyan baş nahiyəsindən aldığı ağır xəsarət nəticəsində hadisə yerində ölüb.

Qeyd edək ki, hadisə nəticəsində maşında olan 2 zabit, 4 çavuş və 6 sıravi əsgər  müxtəlif xəsarətlərlə Berd şəhər hospitalına yerləşdirilib.

İnsidentlə əlaqədar Ermənistan İstintaq Komitəsində araşdırma aparılır.