Ermənilərin girov götürdüyü Dilqəmdən yeni FOTOlar

"Dilqəm qorxmadan, çəkinmədən,eyni zamanda da ölümü gözünün qabağına almışdı". ANS-in məlumatına görə, bunu Girovluqda olan Dilqəm Əsgərovun dostu Nəsib Nəbioğlu deyib. Onun sözlərinə görə, Dilqəm boynuna kəfənini taxıb Kəlbəcərə gedirdi. "Hec nədən qormadan çəkilişlər edirdi. Qəbirsanlıqlarımızı, dağıdılmış kəndlərimizi, rayonumuzu çəkib bizlərə göstərirdi. Dilqəm gec-tez girovluqdan azad olunmalıdır. Bununla bağlı artıq bütün siyasi qurumlara müraciyət olunub”.

Yaxınlarının qəbrini ziyarət etmək üçün doğma kəndlərinə - Kəlbəcərin Şapılar kəndinə gedərkən işğalçı Ermənistan ordusu tərəfindən girov götürülmüş Dilqəm Əsgərov kəndlərinin fonunda şəkil çəkdirib. Tanınmış astroloq Səbuhi Rəhimli tərəfindən təqdim edilən şəkillər 1998-ci ildə çəkilib. Şəkillərdən açıqca görünür ki, Dilqəm doğma kəndinə yalnız ov tüfəngi ilə gedib. Şəkillərin birində doğma kəndini göstərən Dilqəm sanki Azərbaycanın bütün məcburi köçkünlərinə özünəməxsus bir “İntifada” (silahsız müqavimət) yolu göstərir. Sanki “Qorxmayın, vətən yolunuzu gözləyir” deyir. 

Xatırladaq ki, Şahbaz Quliyev, Dilqəm Əsgərov və Həsən Həsənov iyulun 11-də Kəlbəcərdə girov düşüblər. Ermənilər saxlanılan şəxsləri diversant kimi təqdim edir.