Ermənistanın hava nəqliyyatı çökür; «Air Armeniya» müflisləşdi

Ermənistanın "Qraparak" qəzeti "Air Armenia" şirkətinin maliyyə problemlərinin hələ də həll etməyə müvəffəq olmadığını və bu şirkətin artıq müflisləşdiyini yazıb. Avtosfer,az-ın anspress-ə istinadən məlumatına görə, qəzet bildirir ki, ölkədəki dərinləşən iqtisadi böhran nəticəsində "Air Armenia" aviaşirkəti keçən ilin sonunda bütün reysləri dayandırıb. Şirkətin rəhbərliyi reyslərin ötən il dekabrın 20-dən etibarən bərpa olunacağı sözünü versə də, bu, baş tutmadı. Sonra elan edildi ki, təyyarə uçuşlarına bu ilin martında başlanacaq.

"Qraparak" şirkəti ictimaiyyəti yalan məlumatlarla aldatdığını vurğulayaraq yazır: "Mart ayı gəldi, lakin indi bu barədə heç nə deyilmir və məlum deyil, aviaşirkət gələcəkdə işləyəcək, ya yox. Aviaşirkətdə ciddi maliyyə problemləri var, hansı ki, həll etmək mümkün deyil."