Eyni şəxs üçüncü dəfə koronavirusa yoluxdu

Ukraynada iki dəfə koronavirus diaqnozu qoyulan Ternopol sakini üçüncü dəfə virusa yoluxub.

Avtosfer.az xəbər verir ki, bu barədə TASS Ternopol regional səhiyyə şöbəsinin müdiri Vladimir Boqayçukun açıqlamasına istinadla xəbər yayıb.

O bildirib ki, hətta koronavirus xəstəliyini keçirmək belə təkrar infeksiyaya yoluxmaqdan qorumur.

Boqayçukun sözlərinə görə, bölgədə COVID-19-la bağlı vəziyyət pisləşib.

Həkim bu statistikanı karantin tədbirlərinə əməl olunmaması ilə əlaqələndirib.

Ukraynada pandemiya dövründə 68 794 koronavirusa yoluxma hadisəsi qeydə alınıb, 37 394 nəfər sağalıb, 1673 xəstə ölüb.