Fəzail Ağamalı dəfn olundu - YENİLƏNİB

Milli Məclisin sabiq deputatı, Ana Vətən Partiyasının keçmiş sədri Fəzail Ağamalı dəfn edilib.

Avtosfer.az oxu.az-a istinadən xəbər verir ki, mərhumun nəşi Sabunçu rayonu Ramana qəbiristanlığına torpağa tapşırılıb.

***11:56

Milli Məclisin sabiq deputatı, Ana Vətən Partiyasının keçmiş sədri Fəzail Ağamalı ilə vida mərasimi başa çatıb.

Avtosfer.az oxu.az-a istinadən xəbər verir ki, mərhumun cənazəsi dəfn olunması üçün Sabunçu rayonu Ramana qəbiristanlığına aparılır.

***10:11

Dünən Türkiyədə vəfat edən sabiq deputat Fəzail Ağamalının nəşi Azərbaycana gətirilib. Onunla vida mərasimi keçiriləcək.

Avtosfer.az xəbər verir ki, bu barədə mərhumun qızı, millət vəkili Günay Ağamalı paylaşım edib.

O bildirib ki, vida mərasimi bu gün saat 12:00-da Heydər məscidində keçiriləcək.

Dəfndən sonra Heydər məscidində hüzr mərasimi təşkil olunacaq.

Mərhumun 3-7 mərasimi isə 12 fevral saat 11:00-15:00 aralığında Heydər məscidində keçiriləcək.