FHN-in hospitalında bir neçə bölmə bağlanıb - SƏBƏB

Fövqəladə Hallar Nazirliyinin (FHN) Tibb Xidmətinin Modul Tipli Hospitalında bəzi korpuslar bağlanıb. 

Avtosfer.az-ın məlumatına görə, buna səbəb ölkədə koronavirusa yoluxma sayının azalmasıdır.  FHN-dən  bildirilib ki, artıq xəstəxanada bəzi bölmələr fəaliyyətini dayandırıb: “Koronavirusa yoluxan xəstələrin sayı azaldığına görə belə qərar verilib. Hospital fəaliyyətini davam etdirir. Əgər yoluxma sayı artarsa, həmin bölmələr yenidən açıla bilər”. Qeyd edək ki, “Yeni Klinika”nın da bir neçə şöbəsi COVID-19-a yoluxma sayının azaldığı üçün  bağlanıb.