Gəncədə 52 yaşlı kişi ehtiyatsızlıqdan ağır xəsarət alıb

Gəncə şəhərində yerli sakin ehtiyatsızlıqdan xəsarət alaraq xəstəxanalıq olub.

"Report"un məlumatına görə, hadisə şəhərin Cəfər Cabbarlı küçəsində qeydə alınıb.

Gəncə şəhər sakini, 1968-ci il təvəllüdlü Q.Atakişiyevin ürəyinə yaxın nahiyəsini şüşə kəsib. 52 yaşlı kişi ciddi kəsik xəsarəti alıb.

Gəncə şəhərində yerləşən özəl xəstəxanaların birinə yerləşdirilən yaralının vəziyyəti orta-ağır hesab olunur.

Onun ehtiyatsızlıqdan xəsarət aldığı bildirilir.

Faktla bağlı araşdırma aparılır.