Gəncədə reyd: 60 sürücü saxlanıldı - VİDEO

Gəncə şəhər Dövlət Yol Polisi Şöbəsinin əməkdaşları “Təmiz Hava Aylığı” çərçivəsində növbəti reydini keçirib. Yoxlamalar zamanı əsasən keçmiş sovet istehsalı olan avtomobillərdə ekoloji tələblərin pozulması halları aşkarlanıb.

Avtosfer.az regiontv-yə istinadən xəbər verir ki, reyd zamanı ümumilikdə yol polisi və 10 saylı Ərazi Ekologiya və Təbii Sərvətlər Şöbəsinin əməkdaşları tərəfindən 60-a yaxın avtomobilə baxış keçirilib. Yoxlamalar zamaı atmosfer havasına normadan artıq zərər verən nəqliyyat vasitələrinin sürücüləri inzibatı məsuliyyətə cəlb olunub. Gəncə şəhər Dövlət Yol Polisi Şöbəsinin əməkdaşı Knyaz Orucov bildirib ki, reydlərə avqust ayının 1-dən start verilib və ayın sonuna qədər davam edəcək.

Reyd zamanı qanunda nəzərdə tutulmayan pərdə və plyonkadan, eləcə də səsgücləndirici siqnallardan istifadə edən sürücülər də aşkar edilərək inzibati qaydada cərimələnib.