Vətən müharibəsi zamanı Xocavənddə gedən döyüşlərdə şəhid olan Gəncə şəhər sakini, 23 yaşlı Vüsal Elşan oğlu Məmmədovla vida mərasimi keçirilir.

Report-un məlumatına görə, ötən ilin noyabrından adı itkin düşən hərbiçilərin siyahısında olan və dünən şəhid olduğu bilinən Vüsal Məmmədovun nəşi ailəsinə təhvil verilib.

Hazırda yaxınlarının, ictimaiyyət nümayəndələrinin və şəhər sakinlərinin iştirakı ilə vida mərasimi keçirilir.

Şəhid Gəncə şəhər Şəhidlər Xiyabanında dəfn ediləcək.

Qeyd edək ki, V.Məmmədov ailənin böyük ovladı olub. Ondan kiçik bir qardaşı var.