Göygölə giriş açıldı – FOTO + YENİLƏNİB

Göygöl Milli Parkın ərazisində olan zibillər yığışdırılıb, vətəndaşlar artıq tam sərbəst parka daxil ola bilərlər. Avtosfer.az xəbər verir ki, bu barədə oxu.az-a Ekologiya və Təbii Sərvətlər Nazirliyinin Bioloji müxtəlifliyin qorunması və xüsusi mühafizə olunan təbiət ərazilərinin inkişafı departamentinin direktoru Vaqif Cavadov deyib.

O bildirib ki, bu gün işçi qüvvəsi Göygöl Milli Parkının ərazisində təmizləmə işləri aparıb.

“Biz həftədə bir dəfə Milli Parkda sanitar gün keçirəcəyik. Sanitar gündə bütün işçi qüvvəsi əraziyə cəlb olunacaq, zibillər yığışdırılacaq. Həmin vaxt vətəndaşların Göygölə girişi məhdudlaşdırılacaq”.

10:52

Göygöl Milli Parka buraxılış bir neçə saatlıq dayandırılıb.

Avtosfer.az xəbər verir ki, bu barədə apa-nın müxbiri Vusal Mammadov (fotolar müxbirə məxsusdur - red.) sosial şəbəkədə yazıb. “İki gündür “Göygölü zibil basıb” deyənlərə "şad” xəbər. Bu gün təmizlik məqsədi ilə gölə buraxılış bir neçə saatlıq dayandırılıb”, - deyə, hadisə yerində olan jurnalist yazıb.