Güclü külək başlayır – SÜRÜCÜLƏRƏ HAVA XƏBƏRİ

Sabah Bakıda və Abşeron yarımadasında yağmursuz hava şəraiti gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan Avtosfer.az-a verilən məlumata görə, dekabrın 6-da Bakıda və Abşeron yarımadasında havanın dəyişkən buludlu olacağı, arabir tutulacağı, bəzi yerlərdə zəif duman olacağı gözlənilir. Şimal-qərb küləyi axşama doğru nisbətən mülayimləşəcək. Havanın temperaturu gecə 1-3 dərəcə, gündüz 4-6 dərəcə isti olacaq. Rayonlarda da dekabrın 6-da hava yağmursuz keçəcək. Gecə və səhər bəzi yerlərdə duman, çiskin olacaq. Bəzi qərb rayonlarında yağış yağacağı gözlənilir. Qərb küləyi arabir güclənəcək. Havanın temperaturunun gecə 2 dərəcə şaxtadan 3 dərəcəyədək isti, gündüz 5-10 dərəcə isti, dağlarda gecə 5-10, bəzi yerlərdə 15 dərəcə şaxta, gündüz 2 dərəcə şaxtadan 3 dərəcəyədək isti olacağı gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan verilən məlumata görə, dekabrın 6-da və 7-də Abşeron yarımadasında təzyiqin kəskin tərəddüd edəcəyi gözlənilir. Bu da meteohəssas insanlarda narahatlıq yaradacaq. Dekabrın 6-da əsən güclü şimal-qərb küləyi dekabrın 7-si gündüz güclü cənub-qərb küləyi ilə əvəzlənəcək.

Fidan