Güclü qara görə 40-dan çox aviareys təxirə salındı

“Türkiyə Hava Yolları” şirkəti pis hava şəraitinə görə bir sıra reysləri təxirə salıb. Avtosfer.az Türkiyə KİV-nə istinadən verdiyi məlumata əsasən, İstanbuldan Ankara, Antalya, İzmir və bir sıra şəhərlərə hər iki istiqamətə 41 reys təxirə salınıb. Çərşənbə günü həmçinin İstanbuldan 10 beynəlxalq reys, həmçinin Tbilisi, Budapeşt, Kişinyov, Cenevrə və Tel Əvivə reyslər təxirə salınıb. Bununla yanaşı, Türkiyənin bir sıra şəhərlərində, əsasən də Ankara və İstanbulda məktəblərdə dərslər dayandırılıb.