Gündəmə gələn «avtoş» maşınına klip çəkdirib – VİDEO – FOTO

Avtosfer.az saytı 90 MP 090 dövlət nömrə nişanlı avtomobilin Rauf adlı şəxsə məxsus olduğunu öyrənib. Məlumata görə, Rauf 4 aydır hərbi xidmətdədir və Şəmkirdə xidmət edir. Bu nömrə bir neçə avtomobilin üzərində olub. Hazırda isə həmin nömrə Dövlət Yol Polisi İdarəsinin məlumat bazasında qeydiyyatda deyil. Belə halda, ya həmin nömrə saxtadır, ya da DYP ilə qeyri-qanuni razılaşma əsasında sistemdə gizlədilib. Bununla da, maşınla hər hansı qayda pozuntusu törədərkən radar və kameralar onu qeydə ala bilmir.

Avtosfer.az bu barədə məlumat yaydıqdan sonra Baş Dövlət Yol Polisi İdarəsi açıqlama verib. Bildirilir ki, artıq məsələ ilə bağlı araşdırma aparılır. Biz də öz növbəmizdə müəyyən araşdırmalar apardıq və məlum oldu ki, avtomobili idarə edən gənc rayonlardan birinin icra hakimiyyətinin başçısının oğludur. Onun əmilərindən biri vaxtilə Şirvan şəhərinin polis rəisi olub. Digər əmisi isə Bakıətrafı rayonlardan birində İcra Hakimiyyətinin şöbə müdiri işləyir. Daha bir əmisi isə məktəb direktorudur. Başqa bir məlumatda isə bildirilir ki, Raufun atası biznesmendir.

Avtosfer.az 90 MP 090 dövlət nömnə nişanlı avtomobilin sahibinin «İnfiniti» markalı avtomobilə çəkdirdiyi klipi təqdim edir. Rufa adlı şəxs öz maşınlarını gənc qızlarla birlikdə erotik fotosessiya da etdirib. Bu da onun avtomobil həvəskarı olduğunu göstərir.

P.S. Avtossfer.az Raufun atasının və əmilərinin tutduğu vəzifələrlə bağli bəzi məlumatlar əldə edib. Müəyyən dəqiqləşdirmələrdən sonra bu barədə də məlumat verəcəyik...

Avtosfer.az