Hərbi təyyarə ilə manikürə gedən qadın müdafiə nazirinin sevgilisidir? - VİDEO

Rusiyada Mariya Şalaeva adlı bloger manikürə getmək üçün hərbi nəqliyyat təyyarəsindən istifadə edib. 

Avtosfer.az "Unikal"a istinadən xəbər verir ki, bu barədə xarici KİV məlumat yayıb. 

Məlumatlar fonunda 23 yaşlı qadının sevgilisinin Rusiyanın müdafiə naziri Andrey Belousov olduğu iddia edilib. 

Qeyd olunub ki, Rusiyanın müdafiə naziri sevgilisi Mariya Şalaevanı hərbi təyyarə ilə manikürə aparıb. Bu, Şalaevanın sosial şəbəkədəki paylaşımları vasitəsilə üzə çıxıb. Cütlük həftə sonu istirahəti üçün müharibə qərargahının yerləşdiyi Rostov-na-Donuya yollanıb. 

"Kim deyir ki, təyyarələr Rostova uçmur? Uçuşlar var, amma hər kəs üçün deyil", - deyə Şalaeva sosial şəbəkə hesabında yazıb. 

O, sevgilisinin "Kremldən biri" olduğunu da qeyd edib. 

İddialarla bağlı araşdırmalara başlanılıb, artıq bir neçə hərbçi dindirilib. 

Qeyd edək ki, Müdafiə Nazirliyinə məxsus “İlyuşin-76” nəqliyyat təyyarəsinin dəyəri 100 milyon dollardır.